«Туй тăвать тулта тăман...»

Микул Пулар | Сăвă | 304


Туй тăвать тулта тăман:

Тӳнкĕр-тункĕр, тăпăр-тапăр...

Кантăкран пăхса ларан,

Юр айне пытаннă пăлтăр.

 

Çил ачи — пуса каччи —

Шăхăрать канма пĕлмесĕр.

Вăл хăех иккен евчи,

Алăкран шаккать, кĕресшĕн...

 

Алхасать тулта тăман,

Сивĕпе терленчĕ кантăк.

Темшен шикленсе тăран,

Паçăрах-çке уçă алăк.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: