Кам вăл саншăн

Аркадий Русаков | Сăвă | 573


Куртăм сăнӳкерчĕк.

Вăл аса илтерчĕ

Сан çинчен мана.

Эс унта тăратăн,

Ман çине пăхатăн

Пăлхатса чуна.

Куллу ăшă, уçă:

Йăл! кулать сан куçă

Сăнӳкерчĕкре.

Эп çакна курсассăн

Хаш! сывларăм ассăн,

Чикрĕ яш! чĕре.

Мĕншĕн, ма тесессĕн,

Алăран-çке эсĕ

Тытнă теприне.

Ыталать сана вăл.

Чиктерет-çке çакă

Манăн чĕрене!

Кам хуравлĕ, калĕ:

Кам пулать вăл халĕ

Сан пурнăçунта?

Упăшку е каччă?

Пит тăрать-çке тачă

Вăл санпа кунта!

Курманни сана эп

Вăрах пулчĕ. Айăп

Пур кунта хамрах.

Юрĕ-ха, ӳкерчĕк

Курнăçма систерчĕ

Санпалан часрах.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем