Хăнари пурнăç

Хăнана çеç килетпĕр эпир çĕр çине.

Леш тĕнче çеç яланлăх кил парĕ пире.

Пĕлейместпĕр çавах хамăра упрама —

Мĕн хушать тĕнчери пур мула хапсăнма?

Пурăнса пухнă пурлăх лере кирлĕ мар.

Мулшăнах чунăма усала сутар мар.

Çĕр çинче çитменни те унта ытлашши —

Çукшăнах тăрас марччĕ пулса мул чури.

Çĕр çинчех çынпала çын пулма вĕренер,

Тăванпа тăванла ал парса пĕрлешер.

Пулас марччĕ нихçан та пуянлăх кулли —

Пире аннесем çуратман мул валли.

Нумайăн каяççĕ лери тĕнчене,

Никама та илтмен каялла килнине.

Çавăнпа ырă ят хăварар хам хыçран —

Чунăмса хапсăнма ан хăяйтăр усал.

Çĕнĕ комментари хуш