Ум сăмах

Халăх хунаймĕ ар вĕççĕн кăна,

Пурнăç парнелĕ хĕрарăм ăна.

Ар хӳтĕлетĕр тăван çĕршывне,

Арăм ĕрчеттĕр тăван ăрăвне.

Хамăр хунанă вĕсен пилĕпе.

Шухăшăм вĕçрĕ весен çулĕпе.,

Чыс та мухтав, асанне-кукамай!

Паттăр ĕç тунă эсир те нумай —

Кил терĕшре те сăпка умĕнче,

Вут-вăрçăра паттăр ар çумĕнче.

Çитнĕ-çӳренĕ тĕнчемĕр вĕçне,

Ар пек çĕкленĕ йăх-несĕл чысне.

Сирĕн сăнарăр асра вăранать,

Çул кăтартан палăк пек курăнать.

Килĕр ума сĕмлĕхрен-инçетрен,

Сыхлăр пире инкекрен-синкекрен.

Çĕнĕ комментари хуш