Ноктюрн
Тем калаçать рояль —
Ноктюрнăн тунсăхĕ,
Хитре вăтанăç.
Куинджи сăрăсем ăна
Чун панă.
Хуллен тем калаçать рояль.
Телейлĕ мăшăр çăлтăра —
Савать çут кĕвĕ,
Пин çынпа пĕр халлă.
Тĕнче килпечĕ —
Тăнăç тăтăрхаллă.
Каç сĕмĕ çепĕç йăлтăравлă.
Хула урамĕ — кĕмĕл сапакаллă.
Хуллен тем калаçать рояль,
Хĕр тĕлĕкне кĕвве кĕртесшĕн пулнăн.
Арпедижиато вĕттĕн-вĕттĕн кулнăн,
Хуллен тем калаçать рояль.
Каç сĕмĕ çепĕç те вăрах.
Çыврать сар хĕр, —
Телейлĕ Нефертитти.
Мĕн ĕмĕтленнĕ ĕмĕчĕ ун —
Çиттĕр!
Чун хĕлĕхĕ пулмин хăрах,
Умра ăна телей кĕтет-и? —
Кĕттĕр!
Хуллен тем калаçать
Рояль.
Шута ӳксе адажио янрарĕ.
Епле кĕвви ун шанăçлă, мăнтарăн!
Хуллен тем калаçать
Рояль.
Тĕнче пĕр сывлами шăпах.
Ытарайми çу каçĕ.
Ырă.
Чунра вăранчĕ кĕвĕллĕ юп курăм,
Хаваслă, тивĕçлĕ шăпа.
Чĕре тулли янрать сăваплă юрă.
Хуллен тем калаçать рояль,
Ноктюрнăн тунсăхĕ — хитре вăтанăç.
Куинджи вăрттăнĕ ăна —
Чун панă.
Хуллен тем калаçать рояль.
Шухăшсем
Boost your Chuvash website’s traffic wit...
Attract more leads for your chuvash...
Ready to drive targeted visitors to your...
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...