Сивĕ чунлă капăр кĕркунне

Тыткăнларĕ кĕрхи каç илемĕ,

Тунсăх пусрĕ çулçă ӳкнĕ май.

Илтĕнет таçта пĕр çепĕç çемĕ,

Аякра çунать сап-сар кăвайт.

Явăнма пăрахрĕ акă çулăм,

Тĕксĕмлетрĕ çут тĕнче сăнне...

Çук. Ку — кăвайт мар,

ман туйрĕ чунăм:

Ку вăл — пирĕн юрату сӳнет...

Кĕркунне хуçаланать таçта та.

Лартнă-ши темле тĕллев умне?

Мĕншĕн манăн ĕмĕте тататăн,

Сивĕ чунлă капăр кĕркунне?

Çĕнĕ комментари хуш