Электронлă вулавăш

Тĕп хулара кун-çулăм иртнĕçемĕн

Пĕччен чухне ăш-чик вăркать-çке темшĕн:

Тăван ялтан кайса эп тĕрĕс турăм-ши,

Пин сукмакран пĕрне пĕлсе суйларăм-ши?

 

Асилӳре Турханăма куратăп,

Пир сумка çакнăскер, шкула утатăп:

Тирекпеле йăмра кашлавĕ хăлхара,

Леп çилĕ ăшшăн çупăрлать ман кăкăра...

 

Ӳсерехпе Пучамасран иртетĕп,

Ун сиплĕ çăл шывне ларса ĕçетĕп.

Тухатăп уй-хире. Пуç тăрринче — тăри,

Мĕн чухлĕ шухăш çуратать чунра юрри.

 

Юнашарах вăрман,

Мăнаç кĕрлевĕ.

Тем тĕрлĕ кайăксем юрлаççĕ евĕк.

Ухсай каланă пек: вăрман вăл чĕрĕ храм.

Ун илемне курсан пуç тайĕ кирек кам.

 

Юратнă вырăнсем!

Сире-и манăн?

Сар каччă савнă хĕршĕн тунсăхланăн

Ирпе каçпа та темсĕлетĕп уншăнах,

Йăмраллă ялăмшăн çунатăп çулăмпах.

 

Кунта кун курнă та, кунтах çын пулнă,

Кунта тăванăн ыр вăйне çеç туйнă.

Атте-анне çукпа пура пайланăçем,

Сисмен те, ӳссе çитрĕç пирĕн çунатсем.

 

Унтан кашнийĕ ĕмĕтне çиçтерчĕ:

Часрах, часрах вăл пурнăçпантăр терĕ.

Хаваслăччĕ эпир — пĕрле вĕреннисем,

Вăй-халлăччĕ эпир - пĕрле яш пулнисем.

 

Пĕрне-пĕри савакансем те пурччĕ,

Ăçтан пĕлес?

Кайран вĕсем тем курчĕç...

Ма пытарас?

Вут хыпнăччĕ мана кунта,

Сар çӳçлĕ пикене юратнăччĕ чунтан.

 

Çулсем юпленчĕç.

Юрату саманчĕ

Шап-шур тĕтре пек сирелчĕ, арканчĕ.

Паян та вутăш-хĕр чунă хумхантарать,

Кун-çулăм иртнĕçем чуна ыраттарать...

 

Сăваплă вырăнсем!

Сире-и манăн?

Тав сăмахне калас килет халь манăн.

Ӳстернĕçем куллен çĕршывăн хăватне

Пĕлетпĕр эпĕр туслăхăн вăйне, хакне.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн