«Тин чĕрĕлен çанталăк сăнĕпе...»

Николай Кушманов-Алеметкин | Сăвă | 377


Тин чĕрĕлен çанталăк сăнĕпе —

Çуркуннепе — сана танлаштаратăп,

Сăн-сăпатна хăпартланса сăнатăп

Илĕртнĕрен таса илемĕпе.

 

Санра лайăххине кăна куратăп,

Туйса тăратăп яланах ăсна.

Ыр кăмăлна мухтатăп та шанатăп

Кирек хăçан пулăшасса мана.

 

Кун-çул таппи, ун иксĕлми хавалĕ,

Телейĕм те санра çеç упранать.

Çул иртнĕçемĕн ытларах саватăп,

Чĕре сана, сана çеç йышăнать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: