«Ах, иртнĕ кун!..»

Афалек Энтепе | Сăвă | 658


Ах, иртнĕ кун! Вăл ванчăк кĕленче!

Эп ун çинче çара уран тăраттăм:

Умра йăлтăртатсан çĕн тĕссемпе тĕнче,

Ярса пусма, мала утма хăраттăм.

 

Ах, иртнĕ кун! Вăл асăнмалăх юлнă:

Юратăва çухатрăм пулĕ эп.

Шап-шурă тĕтрепе тавралăх тулнă —

Ăна хĕвел сирессине кĕтеп.

 

Тĕтрелĕхре хуллен куç уçрĕ çутă:

Ку эп курма юратнă çăлтăрсем.

Халь кирлĕ юлашки, хăюллă утăм,

Вара кĕрет ман ытама илем!

 

Чĕре кĕсли салхулăх кĕвĕленĕ

Кунсен серепине татса,

Çĕнелнĕ туйăм вăрттăн тĕвĕленнĕ...

Тăрать ун вăйĕ иксĕлми тапса!

 

Арша пек ирĕлсе, çухалнăччĕ чĕтрев.

Чĕрем каллех унпа телейлĕн тулнă.

Туятăп, сирĕлет иккĕленӳ-тĕтре.

Эпир санпа яланлăхах тĕл пулнă!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: