Вăхăт

Пĕлĕт мар — шав шăвать,

Шыв та мар — шав юхать.

Тимĕре аркатать,

Чул тăва та ватать.

Курăнмасть, шавламасть,

Апат-çимеç ыйтмасть,

Çын çӳçне шуратать,

Вилĕмпе хăратать.

Вăл çуралнă чуна

Вăй кбртет, чун парать.

Çавă шутлă куна

Ӳстермест, çывхартать.

Хуйăха вăл сиплет,

Айăпа каçарать.

Çуралмасть те вилмест,

Çил-тăман кăларать.

Пыр хуллен ун патне —

Паттăра ал парать.

Нишлĕ çыннăн ятне

Тикĕтпе варалать.

Шăпуна татакан

Санпа çумлă çӳрет.

Вăхăт — акă вăл кам

Çавă паттăр кĕтрет.

Çĕнĕ комментари хуш