Чечняра вăрçă

Çук сикме каçалăк урлă...

Пулнă вăхăт шутлама.

Алăкран шаккать халь хурлăх —

Килнĕ ывăл уйрăлма.

Юлашки çула ăсатăн

Кĕр-кĕр туй кĕрлес чухне.

Салтак амăшĕ, çăтатăн

Эс тăварлă куççульне.

Пĕрисем халь мул пайлаççĕ,

Чап пайлаççĕ — теприсем.

Камшăн, мĕншĕн юн тăкаççĕ

Чечняра ачамăрсем?!!

Итлесемччĕ, Çӳлти Турă!

Шеллесем хĕрарăма!

Кам курман, çакна ан куртăр —

Ачасем хыçне юлма...

Çĕнĕ комментари хуш