Август
Хветĕр Уяра
Август уйăхĕн хăйĕн илемĕ.
Ирĕсем хăйне евĕр хитре.
Атăл çийĕн çĕклемĕн-çĕклемĕн
Хăпарать кăпăш шурă тĕтре.
Уяртать. Тӳпе тăрă та çӳллĕ.
Пăрахать вылямашкăн ăрша.
Инçетри курăнать илĕртӳллĕн,
Уçă çил тасатать сывлăша.
Сасă пар — сасă уçă та ирĕк,
Ян кайса аякра çухалать.
Ылтăн тĕслĕ сап-сарă уй-хирĕн
Ĕçлĕ шавĕ çĕклет кăмăла.
Садсенче пан улми кĕрпекленнĕ,
Ăнса пулнă кăмпа вăрманта.
Çутçанталăкăн сиплĕ сĕткенĕ,
Пилĕ-техĕмĕ — сан умăнта.
Çăлтăр çумăрĕ çулăмлăн çăвĕ,
Шевле çиçĕ тул çутăличчен.
...Август, август, ыр кăмăллă çăвăн
Эс чи чаплă уявĕ иккен.
Шухăшсем
I believe that is one of the such...
I believe that is one of the such...
I believe that is one of the such...
I believe that is one of the such...
I believe that is one of the such...
Trying https://greenrevolution...
Distressing https://greenrevolution...
Hi there, its fastidious post con...
Миçе çын пăхнă е вуланă ? 647 ...
Питĕ чуна пырса тивекен сăвă...