Никама та эс шанма ан тăрăш

Лариса Петрова | Сăвă | 380


Никама та эс шанма ан тăрăш —

Çывăх тус та тепĕр чух сутать.

Эс унпа чунна уçатăн тăтăш,

Вăл вара санран пĕрмай кулать.

 

«Çыншăн çын — тăшман пулать хăрушă», —

Тенĕ пĕр философ палăртса.

Эс çакна ĕненмĕн те пĕр хушă,

Каярах çеç илĕн ăнланса.

 

Мĕншĕн хурланса йĕретĕн шăппăн?

Тен, сана халь темĕн хăратать?

Çут çанталăкпа калаç эс лăпкăн,

Вăл çынран та лайăх йăпатать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем