Кайăксем

Ах, епле хитре юрлаççĕ

Кайăксем турат çинче

Чунăма та тыткăнлаççĕ,

Эх, илемлĕ эс, тĕнче!

Кайăксем епле хавассăн

Шăратаççĕ юрăсем.

Эх, этем çапла пулсассăн

Юрлĕç савăкрах вĕсем.

Чĕвĕл-чĕвĕл сасă кайрĕ

Çурхи савăк таврана.

Шурă хурăн хăяймарĕ

Çил вĕрсессĕн хумханма.

Ак Çурхи тĕнче вăранчĕ

Кайăксен сассипеле.

Манăн чунăм çунатланчĕ,

Чĕрем туйрĕ илемне.

Çĕнĕ комментари хуш