Кай еннелле пĕлĕт шуса кайрĕ...

Элмет Куракки | Сăвă | 1996 | 376


Кай еннелле пĕлĕт шуса кайрĕ

Каскăн çил хӳтерсе пынă май.

Ман та унăн хыççăн каяс мар-и?

Анчах куçунта вулап: Ан кай!

 

Анаталла кимĕ юхса кайрĕ

Кăпăклă хумсем вылятнă май.

Унпа ярăнайса каяс мар-и?

Анчах куçунта вулап: Ан кай!

 

Инçете тăванăм тухса кайрĕ.

Каяс умĕн йыхăрчĕ: Каяр!

Ман та ăраскалăм ютра мар-и?

Анчах куçунта вулатăп: Мар!

 

01.06.1996. Мускав

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: