Çав хĕрпе ăнсăртран эп тĕл пултăм

Çав хĕрпе ăнсăртран эп тĕл пултăм.

Капăр клуб. Çăмăл вальс. Ăсату.

Çĕрĕпех пĕр калаçрăм та култăм,

Е хашлатрăм,

– Эх, юрату…

Сăнĕнче ун вылярĕ çу кунĕ,

Ăшĕнче – хĕл сивви, хулăн пăр.

Мĕншĕн шиклĕ кулли унăн пур,

Мĕншĕн çамрăклăх вучĕ çук унăн?

- Савнă çыннăм çаратрĕ мана.

Çĕрĕпе кулли çеç çумра юлчĕç.

Ан хăтлан ăшăтма ман чуна…

Пуçне пĕкрĕ те хĕр темшĕн кулчĕ.

Çĕнĕ комментари хуш