Ылтăн тĕсĕ тĕрлĕрен

Борис Борлен | Сăвă | 368


Симĕсси, хури, шурри...

Шутласа пырам юри.

 

Симĕсси — паха вăрман,

Çĕршывра нумай юлман.

 

Хуп-хура — нефть текенни,

«Леш енне» юхаканни.

Чыс, мухтав çĕр мамăкне,

«Шурă ылтăн» ятлине,

Раççейре ӳсменнине,

Çавăнпа чи хаклине.

 

Çитрĕ вăхăт вĕçлеме:

Хакламастпăр этеме.

 

«Ылтăн çын» тесе кăна

Каламастпăр ку чухне.

Те чăнах та сатана

Сутăн илнĕ ун чунне?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: