Ĕмĕр çамрăк юлаççĕ

Сăвар Эртиван | Сăвă | 1968 | 364


Маншăн халь вĕсем чĕрĕ пулсан

Асатте е атте пулмаллаччĕ.

Урампа иртнĕ чух пуç тайса

Вĕсене манăн çул памаллаччĕ.

 

Анчах çук халь вĕсем… Пулас çук…

Йĕрсем çеç хăйсем хыççăн хăварнă.

Тен, пĕр паттăр пуçне хунă чух

Ун ĕçне вĕçлеме эп çуралнă?

 

Кĕрхи çимĕç пулса татăлаççĕ

Ман çулсем. Чĕрĕк ĕмĕр хыçра.

Ачаран эп тытатăп асра,

Вилнисем ĕмĕр çамрăк юлаççĕ!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: