Хура тутăр хурлăн ӳкре урайне...

Любовь Мартьянова | Сăвă | юрату | 427


Хура тутăр хурлăн ӳкре урайне...

Ан пăх эс ыйтуллăн, ан пăх тĕлĕнсе.

Кам ирĕкпе кĕрĕ шăннă пăр айне?

Е савсах-ши кайĕç «сивĕнтĕм» тесе.

 

Ӳпкев çук-и санăн? Лайăх кай апла.

Тăвалла ман çулăм, санăн — аната.

Ал сулас килет те — пытарап алла,

Юратсах каятăн. Ирĕкпех тата.

 

Ан пăх эс ыйтуллăн, ан пăх тĕлĕнсе,

Телейӳн çути сан — хăв çулу çинче.

...Тĕлĕрет йăмралăх, шăп тăрать тĕнче,

Ик шăпа, ик пурнăç ик çыран енче.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: