Шăпчăксем те ăмсанаççĕ санăн юрруна...

Николай Теветкел | Сăвă | 1957 | 661


Шăпчăксем те ăмсанаççĕ санăн юрруна,

ахальтен-им куç хываççĕ каччăсем сана.

Кĕввине каçкӳлĕм уççăн купăс янрататъ,

хĕрпе каччă куçа-куçăн йăл кулса ташлать.

 

Хĕрпе каччă куçа-куçăн йăл кулса ташлать,

хирсенчи хĕрӳ ĕç хыççăн савăнса канать.

Телее пĕрле тупсассăн пурăнма аван,

юратса сăмах татсассăн, ху тусна ан ман.

 

Юратса сăмах татсассăн, ху тусна ан ман,

Алран-ал тытса утсассăн, ăраскал тупан.

Ахаль мар иккен хускалчĕ савнăçпа чĕре,

шурăмпуç кулли çуталчĕ пирĕн сăн-питре.

 

Шурăмпуç кулли çуталчĕ пирĕн сăн-питре,

çутă ир çиçсе çывхарчĕ, чĕнчĕ вăл хире.

Шурă хурăн алă сулчĕ тарават сăнпа,

çул çинче хĕвел тĕл пулчĕ ăшă салампа.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: