Чунăм — ĕмĕрлĕх сана
Эп сана кăна курасшăн
Тунсăхлатăп ир те каç.
Чакăр куçăм, эс, тархасшăн,
Атăл урлă лар та каç.
Эп сана чечек парнелĕп,
Чечекпе пĕрле — чуна,
Чечек пултăр пĕр эрнелĕх,
Чунăм — ĕмĕрлĕх сана!
Çӳçĕме те шурă пĕрчĕ
Тухнă пултăр — ан тирке.
Эсĕ ху та сарă хĕрччĕ,
Шел, хуралтăн пĕр ирпе.
Йăлтăркка çӳçе хуратрăн
Сарă çӳç шуралнăран.
Çамрăклах ытла юратрăн
Сар хĕр чунĕ шухăран.
Çав самант сăнра хăварчĕ
Палăрмалăх йĕрсене,
Чун-чĕрӳ ун чух кăварччĕ,
Халь туян-ши вĕрине?
Эп пĕрмай сана курасшăн
Тунсăхлатăп ир те каç.
Çывăх çыннăм, эс, тархасшăн,
Ытлашши ан пул мăнаç.
Шухăшсем
Is your chuvash...
Квиз — это увлекательная игра-викторина...
В мире, где чистота и здоровье становят...
Здесь вы сможете найти поставщиков удоб...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...