Хивре çанталăк чăркăшать тулта...
Хивре çанталăк чăркăшать тулта:
те юр çăвать, те çумăр ислетет?
Ятна пăшăлтатса калать тута:
— Аш кăмăл куркине тултар-ха, — тет.
Шăпаçăм çеç калама çук чее —
улăштарать çанталăкне пĕрмай.
Тарасапа виçеймĕн телее —
çапах пур унăн виçинче ман пай.
Çунатлă шанчăк систерет ырра,
кунçулăн уйĕнче ăмăртмалла
санпа выратпăр хамăрăн тырра —
пăхатпăр çамрăк сăн-питпе мала.
Çак пĕрлĕхре çуралнă юрату
Санпа-манпа мĕн виличчен тату.
Шухăшсем
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...
Питĕ килĕшрĕ...
Прочитал от и до...
Чăн чăнах та, сатира туйăмĕ Л...