Пирĕн ялта

Юрий Сементер | Куçару | Кави Латыпов | тутарларан | чăвашпа тутар | 581


Таса çăлкуç тăрать тапса

Ялан пĕр пек хастар,

Çăлкуçăн тăр шывне ăсать

Чăвашпала тутар.

 

Тăнлатăн эс: агай, пичче,

Иптешпеле юлташ...

Ыр туйăма чун тĕпĕнче

Усрать тутар, чăваш.

 

Пуян уй-хир, кашла каш-каш,

Хум хыççăн хум юхтар.

Халь председательте — чăваш,

Агрономра — тутар.

 

Тăраççĕ вăйă картине

Ваçлейпеле Зитар,

Калаççĕ тунсăх кĕввине

Чăвашпала тутар.

 

Мидхат агай пухать хăна,

Сумра ларать чăваш.

Уяв юрри янрать кăна, —

Кашнийĕн чунĕ яш.

 

... Пĕрле тăраççĕ ĕç умне

Арăсланса, патвар,

Хываççĕ коммунизм çулне

Чăвашпала тутар.

 

Кави Латыпов

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: