Ытарайми çĕршывăм
Ытарайми çĕршывăм! Чăваш Енĕм!
Чĕререн тухаççĕ сăмахсем.
Чунăм туртать, васкатăп, тăван çĕрĕм:
Варпуççи, Ыркасси, улăхсем.
Хура вăрманăм, саншăн тунсăхларăм
Уçланкăри лаштра юманшăн та...
Йĕплĕ чăрăша тытрăм, ачашларăм.
Пилĕкĕнчен чуптурăм хурăна.
Шĕпĕлтетрĕ, савăнчĕ, вăтанчĕ.
Чĕвĕлтетрĕç вĕçен кайăксем.
Пиçнĕ çырлисене çирĕм, тутлă пулчĕ -
Акă манăн тĕлĕк-курăмсем.
Хăйăрлă çул. Çара уран утатăп
Ачалăхри пек ăна тустарса,
Чĕнет пилеш, аякран куратăп:
Атте килĕ кĕтет ыр сунса.
Тăван тавралăх! Тăтăш кунта килĕп
Хускататăн чĕре тĕшшине.
Асамлă çĕре асра илсе çӳрĕп.
Туятăп эпĕ унăн ăшшине.
Шухăшсем
Круглозвенные цепи — это не просто элем...
Лазерный уровень легко помещается в су...
Когда речь идет о ремонте, выбор правил...
В современном мире, где качество и безо...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...