Сыв пултăр харсăрлăх!
(Юлташ альбомĕ çине)
Альбом тавраш çыра пĕлместĕп,
Курман альбом тавраш çырса.
Эс — ĕненместĕн,
Итлеместĕн...
Мĕскер çырам, мĕскер сунса?
Вăрнарăн çакă хыр вăрманĕ —
Пиллерĕ тĕл пулма пире:
Шăм-шакăн ăнăçсăр суранĕ
Тытать халь санаторире.
Сурать шав сан та, ман та шăмă,
Ӳкерчĕ вăл
Тăлла-тăлла...
Алсем çапах —
Сулмаклă чăмăр!
Çапах — манмастпăр-ха кулла!
Кулла манмастпăр-ха, тăванăм, —
Манар та мар ăна нихçан:
Тем-тем тӳсес пулсан та,
Санăн —
Сыв пултăр харсăрлăх ялан!
Пĕртен-пĕр хамăр чирĕн хурчĕ
Кăна-и кăсăк халь пире?
Çут тĕнчере ăçта мĕн пулчĕ —
Йăлт хăй çине илет чĕре!
Çынсен телейĕпех телейлĕ
Пулма пĕлет пулсан этем,
Вара кун-çулĕ ун —
Хĕвеллĕ,
Вара — хĕл чух та чечексем.
Вара çын —
Иксĕлми хăватлă:
Нимле тумхах хăрушă мар...
Пар алă, тусăм!
Пул çунатлă,
Яш чĕрӳнтен вут-хĕм кăлар!
Шухăшсем
Наша компания - это ключ к вашему идеал...
Your website, chuvash...
Is your chuvash...
Get additional leads for your chuvash...
Is your website chuvash...
Предлагаем вам высококачественный трот...
Ready to enhance your website aud...
Is your website chuvash...
Ready to drive your website succe...
Is your website chuvash...