Кĕт мана

Кĕçтук Кольцов | Сăвă | 1942 | 400


Кĕт мана, кĕт, çĕмĕрт куçлă хĕрĕм,

Сан пата эп пурпĕр çаврăнап.

Ахаль мар калаçаççĕ: «Пурнăç йĕрĕ

Вăл çăка çулçи пек çаврака».

 

Кĕт мана, кĕт, çĕмĕрт куçлă хĕрĕм,

Çĕнтерӳллĕ пулĕ пирĕн çул.

Тăвăлла кĕрлет халь кунĕн-çĕрĕн

Юлашки хĕрӳллĕ çапăçу.

 

Эпĕр савнă аслă Совет çĕрĕ

Нихăçан та пулмĕ чурара.

Кĕт мана, кĕт, мăкăнь питлĕ хĕрĕм,

Çĕмĕртсем шап-шурă вăхăтра!..

 

1942, апрель

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем