Пуласчĕ сар кайăк

Алексей Афанасьев | Сăвă | 442


Тен, эс çумранах иртсе кайрăн?

Санпа, тен, эп пулнă çумлах?

Таçта васкаса утнă майăн

Пĕри те чĕнмен пĕр сăмах.

 

Чĕнмешкĕн çитмен-и хăюлăх,

Çул урлă-и каçнă кушак?..

Хыçа çухалса тăрса юлнă

Эпир пĕрлешес пĕр сукмак.

 

Пĕрле пулманни лайăха-ши,

Ялан ӳкĕнме пулĕ-ши?..

Çаплах илĕртет-ха çу каçĕ,

Хаваслă яш-кĕрĕм ташши.

 

Эс хирĕç тухсан, иртсе каймăп,

Куç хĕсĕп те лартăп çума.

Пуласчĕ хăш чух сарă кайăк

Сăмахсăр савса калаçма.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем