Картара
Ирхине, Хуçа пӳртрен тухиччен,
Ĕне Сурăха кăлт! тапрĕ уринчен:
— Илтрĕн-и, — тет, — кĕçĕр пӳртре мĕн турĕç.
Ĕçкĕ турĕç, çутăличчен шавларĕç.
Мĕн чул расхут тухмарĕ пуль унта?
Эс пур — мăшкăлтăк шыв çеç умăнта.
Пирĕншĕн тесен —
Чĕпкĕм çăнăх çук вĕсен.
— Çапла, çапла! — тет Сурăх Ĕнене. —
Манăн та мухтас килмест вĕсене.
Ăçтан мухтас ун пек Хуçана?
Ав пĕркун, пуçа çеç чикнĕччĕ ырçана,
Çапрĕ те, мур, пилĕкрен,
Аран сĕтĕрĕнсе тухрăм кĕлетрен!
— Вăл мĕн! Вăл мĕн! — тесе ячĕ кăшкăрса
Мăкла така, тислĕк тĕми çине тăрса. —
Картине пăхăр-ха эсир, карти мĕнле:
Унтан та кунтан çил вĕрет,
Умран та хыçран юр кĕрет.
Епле пурăнмалла кунта хĕлле?
— Чăн, чăн, чăн, чăнах! —
Тесе выртать Сысни улăм айĕнче.
Çапла шавлаççĕ аванах
Пирĕн Хуçан сивĕ картинче.
— Капла пулмасть, чимĕр-ха, юлташсем! —
Терĕ пĕри. — Ав, хăй килет, хăйне калас!
— Калас! Калас! Каламаллипех калас! —
Тесе кăшкăрса ячĕç ыттисем.
Ак Хуçа çитрĕ. Вăл пăхать сиввĕн,
Ăна курсанах хайхисем пирĕн
Кушак пекех йăпшăнчĕç,
Пĕри уçаймасть çăварне.
Калассине...
Калассине ырана хăварчĕç.
Шухăшсем
Get more leads for your chuvash...
Когда речь идет о ремонте, выбор правил...
Предлагаем вам высококачественный троту...
Ever thought how chuvash...
Needing to enhance your website t...
Предлагаем вам высококачественный троту...
Когда речь идет о ремонте, выбор правил...
Лазерный уровень легко помещается в су...
Wanting to elevate your website t...
Use AI to build a website by just enteri...