Сив çумăр чарăнми çусан-çусассăн...

Георгий Орлов | Сăвă | 473


Сив çумăр чарăнми çусан-çусассăн,

Тăрук, нихçанхинчен те хитререх.

Ытла ачашшăн, ытарма çук ăшшăн

Хĕвел çиçсе тухайнă евĕрех,

 

Пачах кĕтмен çĕртен пек килтĕн, тусăм.

Кӳренчĕк шухăш, тунсăх иртнĕрен

Чĕремĕме капланчĕ çепĕç туйăм,

Йăл илчĕ вăйсăр шанчăк çĕнĕрен.

 

Яланлăха юсаннă пек çанталăк,

Шăпамшăн пĕтнĕн пур йĕпе-сапа,

Хавасчĕ эпĕ: эс курнаттăн савăк,

Пуплеттĕн çех кăшт айăплă саспа.

 

Эс кайрăн. Пĕлĕт тӳпене хупланăн

Мĕнпур тавралăх сулхăнланчĕ манăн.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем