Ман урăх мĕн сĕнес?..

Георгий Орлов | Сăвă | 478


Ман урăх мĕн сĕнес?.. Хăналăх кайăк

Юрасшăн çепĕç кĕвĕпе сана.

Юрлать ăста, анчах вĕçсе вăл кайĕ:

Çитес сивех хăратĕ час ăна.

 

Сар хĕрĕн пур юраттарма илемĕ,

Туйнать хитре юласлăн ĕмĕрех...

Çул хыççăн иртĕ çул — унпа киленмĕн:

Пит-куçĕ пĕркеленĕ пĕтĕмпех.

 

Эп чухăнрах, тен, вĕсенчен: сăн-питĕм

Курнассăм çук ытарайми чечен.

Хăшсен пек, сас та янăраймĕ питĕ.

Чăнах та, урăх мĕн сĕнес? Ĕнен:

 

Кирек хăçан та саншăн çунĕ чунăм,

Санран ниçта та пулас çук вăл уйрăм.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: