Мана чĕнен умри çулсем-йĕрсем...

Николай Теветкел | Сăвă | 472


Мана чĕнен умри çулсем-йĕрсем

ал йĕрĕсем пек курăнса выртатчĕç.

Çук, ахаль мар пуль ыйхăсăр çĕрсем

ман ыранхи кун сăмахне шыратчĕç.

 

Каларăм пĕринче алла сулса:

Ан авăр вĕçĕм, шухăш ал арманĕ! —

Эп утрăм ĕмĕт çулĕпе кулса,

манра ĕшеннĕ кăмăл палăрмарĕ.

 

Кайраччĕ эп:

«Кайри—мала!» — тесе.

тинкертĕм ăнтăлса мала хаваслăн.

— Ăçта çул вĕçĕ? — ыйтрăм тĕлĕнсе.

Каларĕ ăраскалăм çирĕп саслăн:

 

— Пĕр чăнлăха хальччен пĕлместĕн-çке:

çын çулĕ вăрăм, ĕмĕрĕ кĕске.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем