Кăтăр-кăтăр кăтра пĕлĕтсем...

Кăтăр-кăтăр кăтра пĕлĕтсем

Çĕр çумĕпе шăваççĕ.

Çĕр çумĕпех иртеççĕ.

Йĕрес килсен — йĕреççĕ,

Пĕтес килсен — пĕтеççĕ.

Хăйсем мĕнне пĕлмеççĕ,

Хăйсен çулне пĕлмеççĕ.

Эп пĕлĕт-и?

Эп — пĕлĕт мар.

Çын хушшинче çӳретĕп,

Çын çулĕпе çӳретĕп.

Йĕрес килет — йĕместĕп,

Пĕтес килсен — пĕтместĕп.

Çын тивĕçне хаклатăп,

Çын пурнăçне хаклатăп...

Эп пĕлĕт-и?

Эп — пĕлĕт мар.

Çĕнĕ комментари хуш