Аттене

Çывăр ĕнтĕ, канлĕ çывăр

Халĕ урăх тĕнчере.

Каçару ыйтмашкăн йывăр –

Татăлса йĕрет чĕре.

Тăкнă эсĕ те куççулĕ

Ывăлна упрас тесе.

Çавăнпа та ун кун-çулĕ

Йĕркеленчĕ тикĕсех.

Вăрçă вутĕнче эс çуннă,

Лартнă пуш çĕрте кермен.

Кирлĕрех çĕрте вăй хунă,

Ыр ятна пит ӳкермен.

Эпĕ пур пит ерçеймерĕм,

Шав айлантăм ĕçĕмпе,

Аякра час-час çӳрерĕм

Хамăн йӳнĕ йӳтĕмпе.

Ентĕ хам та халсăрланнă

Ĕç те ватлăх пуснă май.

Кам çынна йăлтах ăнланĕ? —

Кашниннех-çке терт нумай.

Чун парса хӳтĕленишĕн

Пысăк тав сана, аттем.

Пулăшу сахал кӳнишĕн

Айăпа епле тӳсем?..

Çĕнĕ комментари хуш