Фронтри туссене
Ăçта эсир, туссем, ăçта эсир,
Хăш çĕрсене çӳретĕр йĕрлесе?
Сире асаилетĕп каç та ир,
Ыйха татса уйлатăп çĕрлесем.
Уйламăттăм çĕрсем ыйăх татса,
Сăнăр-сăпатăрсем-çке ман умра.
Сире тек ыр сунса, пăшăлтатса
Сăввăрсене вулатăп ăшăмра.
Инкек кӳрсе çĕршывăмăр çине
Ак килчĕ Гитлер ирсĕрĕ — усал.
Хăвартăмăр юратнă ĕçсене,
Алла тытмашкăн тиврĕ хĕç-пăшал.
Килте — çырса пĕтмен сăввăмăрсем,
Халь урăх сăвă кирлĕ-мĕн пире.
Умсене выртрĕç вăрçă çулĕсем,
Вут-çулăм витĕр, вилĕм витĕрех.
Салантăмăр кашни хăй çулĕпе,
Хаяр çапăçусен çулăмĕнче
Чĕремĕрсем хытрĕç вут чулĕ пек,
Шурчĕç çӳçĕмĕрсем пуçсем çинче.
Çапăçусем хăрушă та хĕрӳ.
Анчах умра çиçсе, хĕвелленсе,
Ав, çĕкленет мухтавлă Çĕнтерӳ,
Пире хастарлăрах пулма чĕнсе.
Ак иртрĕç, иртрĕç çулăмри кунсем,
Тăшман пăчланĕ ирсĕр йăвинчех.
Эпир, Çĕнтерĕве кӳрекенсем,
Каллех тĕл пулăпăр Атăл çинче.
Таврăнăпăр тăван Шупашкара.
Вутра çуралнă сăввăмăрсене
Ун чух кăларса хурăпăр вара
Çуратнă халăх-йышăмăр умне.
Чунтан саван атте-анне çĕрне
Чуптăвăпăр таса чĕресемпе,
Кашни кӳрсе ăна паха парне,
Ăшă питпе, вĕри чĕлхесемпе.
Пухăнăпăр тулли кĕрекере
Çут Çĕнтерӳ кунне уявлама.
Йĕнне чиксе алри хĕçĕмĕре
Пуçăнăпăр шеп юрă хайлама...
Ăçта эсир, туссем, ăçта эсир,
Хăш çĕрсене çӳретĕр йĕрлесе?
Сире сунатăп сывлăх каç та ир,
Ыйăх татса уйлатăп çĕрлесем...
Шухăшсем
Сертификат ТР ТС – документ, подтвержда...
Ready to amplify your website gro...
Use AI to build a website by just enteri...
Get more leads for your chuvash...
Когда речь идет о ремонте, выбор правил...
Предлагаем вам высококачественный троту...
Ever thought how chuvash...
Needing to enhance your website t...
Предлагаем вам высококачественный троту...
Когда речь идет о ремонте, выбор правил...