Яраплан

Юрий Айдаша

Каçа юлнă яраплан пек,

Каçа юлнă яраплан пек

Вĕçрĕн-вĕçрĕн те — ăçта

Ларса канăн-ши, ăста?

Çĕр выртма та хӳтлĕх çук-им,

Лăш курма та канлĕх çук-им, —

Пĕлĕте эс ункăлан

Ларма вырăн çуккăран.

Йышăнса пĕтернĕ мар-и,

Йышăнса пĕтернĕ мар-и

Ирĕкленнĕ вырăна, —

Юлнă эс, кĕтмен хăна.

Çĕннисем унта хуçа халь.

Юттисем унта хуçа халь:

Йышăнмаççĕ ассине,

Тӳперен анассине.

Уçлăхпа тăванлансан та,

Ирĕкпе юмартлансан та,

Хăтлăх кирлĕ-мĕн чуна,

Пĕчĕк çеç яраплана.

Каçа юлнă ярапланăм,

Çаврăнатăн, çаврăнан —

Кампала сыв пуллашан?..

Çĕнĕ комментари хуш