Электронлă вулавăш

Пурăннă тет карчăкпа старик. Вĕсен Рекс ятлă йытă çури пулнă. Пĕррехинче йытă çури çухалать. Çухалман иккен вăл, вăрманта çӳренĕ. Тилле тĕл пулать.

— Хырăм выçса кайрĕ-и? — ыйтать тилĕ.

— Аха.

— Айта кашкăр патне аш вăрлама.

— Айта.

Çитрĕç тет кашкăр йăви патне.

— Пӳрте кам кĕрет?

— Эпĕ! — тет тилĕ. Унăн та хырăмĕ хытах выçса кайнă иккен.

— Айта иккĕн кĕретпĕр, — тет Рекс.

— Çук, эпĕ пĕчченех кĕретĕп.

Тилĕ чӳречерен пӳртелле сикрĕ тет, кашкăр çăварне лекрĕ тет. Кашкăр ăна тытса çисе ячĕ тет.

Йытă часрах килелле, карчăкпа старик патне чупса кайрĕ. Карчăкпа старик çав тери хĕпĕртерĕç тет.