Кĕртмех тивет тип мунча
Ши-ши!
Çилех ӳлет-ши вара?
Вите стени хушăкĕнчен,
Çӳçентерсе мĕнпур енчен
Сив çил вĕрет-ши вара?
Вĕретех çав, вĕрет çав,
Стени шăтăк-çурăк ав.
Пат-пат!
Мĕскер-ха патлатать?
Пирĕн ĕне ферминче,
Йĕпе-сапа кунсенче
Чăнах çумăр-ши анать?
Анатех çав, пат тумлать,
Çийĕ шăтăк — çав хуплать.
Чĕрик-чарик!
Чĕриклетет, çухăрать,
Лумпа хирсен уçăлать,
Виççĕн тĕксен хупăнать.
Алăках-ши ку вара?
Алăках çав, алăках —
Шалта тислĕкĕ лăках.
Вăш-ваш!
Вĕлтрен милĕк вăшлатать,
Мунча чулĕ чашлатать.
Çирĕп тытас милĕкне,
Хĕрхенес мар ăшшине.
Ӳрĕк-сӳрĕк пуçлăха
Кĕртмех тивет тип мунча.
Çĕнĕ комментари хуш
Шухăшсем
Tired of low website traffic? This video...
Not getting enough leads for Chuvash Org...
Мĕнле пулнă, çаплипех тăрать, заблокиров...
Тархасшăн çак ухмахсен шухăшĕсене тасатă...
Сергей Юшков - Етĕрне районĕнчи Атликаси...
Лайăх сăвă ачасемшĕн...
Темле çын та пур çĕр çинче, тĕлĕнместĕп....
Аван ...
кайăксем чăнахта лайăх чĕр - чунсем
Çитмĕлсенчен иртсен те, хаш сывлатпăр, А...