Юрий Сан

Юрий Сан (Юрий Петрович Иванов) 1963 çулхи пуш уйăхĕн 6-мĕшĕнче Елчĕк районĕнчи Кĕçĕн Таяпа ялĕнче çуралнă. Аслă Таяпари вăтам шкултан вĕренсе тухнă хыççăн Шупашкарти 18-мĕш профтехучилищĕре сварщик специальноçне алла илнĕ, «ЖБК-9» заводра ĕçленĕ. Совет çарĕнче пулнă. Унтан таврăнсан И.Я.Яковлев ячĕллĕ Педагогика институтĕнче вы-рăс филологийĕн факультетĕнче аслă пĕлӳ илнĕ.

Ю.Сан — хура пиçиххиллĕ каратэ маçтăрĕ, чылай вăхăт тренер пулса ĕçленĕ.

Ю.Сан — ЧР писателĕсен «Хурăнташ» союзĕн членĕ. Чăвашла та, вырăсла та çырать. Вăл 2006 çулта Раççей шайĕнчи литература конкурсĕнче çĕнтерӳçĕ дипломне тивĕçнĕ, тĕнчипе ирттерекен «Ылтăн йĕрке» поэзи конкурсĕн лауреачĕ.

Унăн тăхăр кĕнеке тухнă.