Эп астăватăп, тусăм: уява
Аçу-аннӳ патне тăван ялна
Пĕрре эс илсе кайнăччĕ мана.
Пит ăшшăн кĕтсе илнĕччĕ пире.
Çитейрĕмĕр: чăваш йăлипеле
Мунча кĕретпĕр çĕн милĕкпеле.
Лапка çинчен анатпăр та, лаçра
Витре тулли кăпăкланать сăра,
Епле ăш канмĕ — вăл пыл пек çăра.
Унтан — тӳрех ачалăх кӳллине:
Вылятпăр вĕтĕр-шакăрпа пĕрле
Ахăлтатса пĕр ăстрăм мечĕкле.
Унтан эпир — тулли кĕрекере:
Сĕтел çинче çĕр тĕрлĕ пуль апат,
Аçу-аннӳ сăпай та тарават.
Каярахпа — яш-кĕрĕм вăййинче
Чипер-çке чун çунтармăш хĕрĕсем,
Анчах та пирĕн валли мар вĕсем...
Ташлать, юрлать яш-кĕрĕм, савăнать.
Эпир санпа çӳретпĕр темĕнччен
Куçа илмесĕр икĕ хĕр çинчен...
...Каллех ав, тусăм, çывхарать уяв.
Кайса курар-и пирĕн еннелле,
Тепре тухса выляр-и мечĕкле?..
Шухăшсем
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...