Аçтахар Плотников: Валентина Яклычева инкеке лекнӗ

Аçтахар Плотников13.10.2012 13:5816134 просмотров

Пӑлхарта (Тутарстанри хулара) чӑн-чӑн чӑваш хӗрарӑмӗ Валентина Яклычева пурӑнать — пирӗн халӑхӑн авалхи хултине килекен кашни чӑваша ҫӑкӑр-тӑварпа кӗтсе илет. Питӗ тараватлӑ хӗрарӑм! Кашни хӑнана чаплӑ йышӑнать: мунчине те хутса парать, мӗнле пулӑшу кирлӗ — яланах пулӑшма хатӗр.
Уйӑх каялла Валентина ҫул-йӗр ҫинчи инкеке лекнӗ иккен — мана халь тин пӗлтерчӗҫ. Вӑйлах суранланнӑ терӗҫ, Хусанти пульницара выртса тухнӑ.
Валентинӑна эп хамӑн тӑван шкула та илсе кайсаччӗ — ун чухне вӑл ачасене Пӑлхар хули пирки каласа пачӗ, шкулӑн музейӗпе паллашрӗ. Чӑн та питӗ маттур хӗрарӑм.
Инкек-синкексем самай пулаҫҫӗ, унсӑр пурнӑҫ ҫук. Валентинӑна ман чун-чӗререн хӑвартрах сывалма сунас килет.

От редакции: Размещение статей не означает, что редакция разделяет мнение его авторов.

[Добавить новый комментарий (39)]

Якур // 1039.8.4424 2012.11.11 15:47
	Çав териех ан ятла-ха Алина "Мĕскĕн" чăвашсене. Унашкалах мĕскĕн мар-çке вĕсем. Ĕçне йĕркелемелле лайăхрах. Ăна тума лайăх кăна ушкăн кирлĕ. Халиччен Конгресс куштанĕсем тата ытти Фондсем хăйсене " Пиарить" кăна тăваççĕ.
Игорь Сайман // 2314.70.3523 2012.11.11 17:01
	Пиар тенине(PR,public relation) темле усал япала вырăнне хумалла мар. Вăл та кирлĕ!
Тимер // 5574.4.5423 2012.11.11 18:49
	Халăха сутса улталаса ĕçленĕ пекки туса патшалăх укçине пустуй пĕтерсе "пиар"туса ларакансем пирки сăмах пынине нивушлĕ ăнланмасть Сайман?Чăваша кирлĕ мар суя.
Владимир // 1906.02.9092 2012.11.11 22:32
	Хальхи вăхăтра эпир пиар тума та пĕлместпĕр. Çавă пире питĕ каялла туртать. Чăваш конгресĕ пирки раççейри нимле новостной сайтсенче те нихăçан та çырман.
Владимир // 1906.02.9092 2012.11.11 22:35
	"Пăлхар фонд" республикă ятне улăштарса Чăваш-Атăлçи Пăлхар республики тумалла тесе чĕнÿ çырсан кăна ЧНК пирки раççей шайĕнче çырса кăларчĕç, çав новостной сайтсем.
Владимир // 1906.02.9092 2012.11.11 22:38
	Чăваш ятне пиарить туса тăмасăрах çак хаяр çутă тĕнчере чакмасăр упранса юлма пулать тесе шутланă-им эсир? Ун пек шутлани,çутта тухман çынпа пĕр тан шутлани вăл.
Игорь Сайман // 4223.71.6176 2012.11.11 22:47
	Тимере. Ну, "йĕксексем" пулччăр эппин хайхисем. Анчах та вĕсем хамăрăн "йĕксĕксем"! Кам хăйĕн "йĕксĕкĕсене" тăрантма ÿркенет, çав ЮТ ЙĔКСĔКСЕНЕ тăрантать.
Владимир // 1906.02.9092 2012.11.11 22:47
	Чеченсем хăйсен конгресне пухăнсан ăна пĕтĕм тĕнче пĕлет. Чăвашсем пухăннине Чĕмпĕрте те пĕлмеç. Çаплах хăш-пĕри , чăваш пулмалла, чăваш ятлă тавара илĕр теççĕ. Пĕр рекламă памасăр тавар сутса ларасшăн, пĕр пиар тумасăрах.
Игорь Сайман // 4223.71.6176 2012.11.11 22:59
	Эпир хамăрăн "йĕксĕксене" пиар тунăшăн мар, пиар НАЧАР ТУНĂШĂН çеç критиклеме тивĕçлĕ.
Тимер // 5574.4.5423 2012.11.12 12:52
	Йĕксĕксене йĕксĕксем "пиарить"туччĕр. Эпир вара вĕсене алă памăпăр.Халиччен ята яман,малалла та ята ярас марчĕ.