Пур сăмах сана çырма,
анчах васкамасть тухма.
Чĕлхе вĕçĕнчех ларать,
анмасан та пултарать.
Сăмахсем вĕт çухалмаççĕ,
пирĕнпе пĕрлех пурнаççĕ.
Анчах мĕн пурăннăçемĕн,
«сăмахсем пур-ха» тейеймĕн.
Эп нумай хама каланă,
вăхăтра асăрхаттарнă –
санăн валли сăмахсем,
ытлашши çук та вĕсем.
Мĕн чул вĕсене каларăм!
Пуçра нимте хăвармарăм.
Сан пата вĕсем çитмерĕç?
Е сана ĕнентермерĕç?
Кунта санăн айăп çук,
сăмахсен вăйĕ те çук.
Хак параç урăх енчен –
ку сăмах укçа çинчен.
Пĕр енчен вăл пит аван –
укçа çук – пĕччен пурнан.
Каламан сăмахсене
çавăрса яр ху çине.