Çирĕм пиллĕке çитет
Галя кĕр енне..
«Ман качча каяс килет», —
Тет хĕр амăшне.
«Тух эс халăх хушшине
Ытларах, ачам.
Унсăр, — тет инке хĕрне, —
Юлăн тăхлача».
Çӳреме сĕнӳ парать
Пуйăспа хĕрне:
«Яшсене, — тет вăл, — кăтарт
Хăв ĕçченнине».
Çĕмĕрле—Канаш маршрут
Халь ăна паллать,
Вĕçтерет кунне ик хут
Хĕр калла-малла.
Вакунра вăл кулленех
Тек алсиш çыхать.
Хăш качча памаллине
Вĕçĕмсĕр шырать.
Каччăсем, ĕçчен хĕре
Ма курмастăр-ха?
Арăм пулма хатĕрех
Вăл çĕр çуллăха.