Час-часах Йăван киле
Таврăнать тайкаланса.
Арăмĕ ăна силлет:
«Ӳсĕр пуç!» — тет тарăхса.
Хĕр упраç чух пикесем
Каччăсемшĕн чун ăшши.
Анчах усал арăмсем
Ăçтан тупăнаççĕ-ши?
Ачисемпе выляс чух
Очколла çапать Йăван.
Арăм çилленет май çук:
Уншăн харкашать ялан.
Хĕр упраç чух пикесем
Каччăсемшĕн чун ăшши.
Анчах усал арăмсем
Ăçтан тупăнаççĕ-ши?
Пĕрре çамрăк майрана
Йăван тытнăччĕ хулран.
Анюк курчĕ те ăна
Ярса илчĕ хăлхаран.
Хĕр упраç чух пикесем
Каччăсемшĕн чун ăшши.
Анчах усал арăмсем
Ăçтан тупăнаççĕ-ши?